Lajmi i fundit/ Kukësi në Antalia, mbërrin përforcimi i parë në Turqi për Gjokën

Kukësi ka zhvilluar sot seancën e parë stërvitore në kompleksin sportiv në Antalia duke nisur në këtë mënyrë edhe mini-fazën përgatitore.

Siç njoftohet në faqen zyrtare të klubit verilindor në internet, ekipi ka zbritur në terren në orën 15:30.

Nën drejtimin e trajnerit Ernest Gjoka dhe stafi teknik lojtarët kanë marrë ngarkesën e plotë fizike. Me skuadrën sot është bashkuar edhe lojtari Favour Aniekan, mesfushori me tipare sulmuesi nga Nigeria.

22-vjeçari ka qenë pjesë të rinjve të Milanit dhe në këtë sezon u stërvit me ekipin e të rriturve të kuqezinjve në urdhrat e trajnerit Vinçenco Montela.