Erlind Haaland ka lënë sot grumbullimin me kombëtaren e tij të Norvegjisë. Sulmuesi kishte një shqetësim për shkak të të cilit nuk do të jetë i gatshëm për ndeshjet eleminatore që do të zhvillojë Norvegjia. Ata kanë një ndeshje të rëndësishme të shtunën kundër Spanjës në transfertë dhe Haaland do të jetë një mungesë e madhe.
Por shqetësimi ka kaluar edhe në rradhët e ekipit ku luan norvegjezi tek Manchester City. Sapo të përfundojnë ndeshjet eleminatore të kombëtareve skuadra e Guardiolës do të përballet me Liverpoolin për Premier League. Ekzaminimi i dëmtimit të Haaland ende nuk është i plotë por siç raporton “Times” ekziston frika që ai mund të humbasë takimin me “The Reds”.
