Partizani do të presë në “Arenën e Demave” Egnatian për të bërë mes tyre llogaritë për gjysmëfinalen e kthimit në Kupën e Shqipërisë. Duel ky që do të luhet ditën e nesërme në orën 19:00, me ndeshjen e parë që është fituar nga të kuqtë.
Në prag të kësaj përballjeje ka folur Albers Keko. Sulmuesi i kryeqytetasve ka theskuar se ndaj Egnatias është ndeshja e radhës, ndërsa nuk kanë rëndësi golat, pasi vlen më shumë fitorja e ekipit.
“Gjysmëfinalja e kthimit me Egnatian? Eshtë një ndeshje radhe. Shpresojmë t’ia dalim, luajmë në fushën tonë. Jemi ekip i mirë dhe shpresojmë të vazhdojmë të bëjmë prap mirë siç kemi bërë edhe në dy ndeshjet e kaluara.
Golat? Për mua s’është e rëndësishme të shënoj personalisht. Për mua e rëndësishme është të fitoj ekipi dhe të kualifikohemi në finale. Normalisht është një ndeshje e vështirë duhet vlerësuar në maksimum. Kupa është objektivi i Partizanit dhe shpresoj t’ia dalim”, ka theksuar shkurtimisht sulmuesi.
Lexo gjithashtu
Me një “këmbë” në finale, Partizani superior ndaj Egnatias
Kupa e Shqipërisë, ja kur do të luhen gjysmëfinalet e kthimit
