Kamza duket qartë se nuk është në ditët e saj më të mira. Fitorja ndaj Laçit dy javë më parë ngriti peshë të gjithë duke shpresuar se "Hirushja" e kampionatit do të vazhdonte me të njëjtin ritëm edhe në takimin ndaj Partizanit, por jo.
Disfata ndaj të kuqve një javë më parë, preu shpresat e kamzalinjve, kjo jo vetëm për faktin që humbën tre pikë, por më shumë për ndeshjet që kalendari i rezervon javët në vijim.
Në fundjavë, Kukësi e pret në shtëpi, ndërsa pas kampionëve drejt Kamzës do të udhëtojë Skënderbeu. Dy përballje interesante, por mjaftë të vështira për Kamzën. Në rast se merr pikë nga këto sfida, "prova" mund të quhet e kaluar, në të kundërt, mund të nisin probleme për skuadrën e drejtuar nga Ramadan Ndreu.
Poll
Lexo gjithashtu
