Bordi drejtuesi Kukësit ka realizuar një mbledhje ditën e sotme ku janë përcaktuar edhe qëllimet për ndeshjet e turit të parë eleminator në Europa Leauge. Presidenti Safet Gjici ka mbledhur stafin teknik të sapokthyer nga Sllovenia, por edhe drejtuesit më të lartë të klubit. Ndër të tjera është bërë analiza e fazës përgatitore dhe janë vendosur qëllimet për ndeshjen ndaj Rudarit në Europa League. Të gjithë kanë shpalosur idetë e tyre për të arritur qëllimin që është i qartë, kalimin e turit të parë ndaj skuadrës malazeze.
Ekipi i Kukësit ka përmbyllur fazën përgatitore në Slloveni. Ka qenë një përgatitje e nivelit të lartë, duke vlerësuar nivelin e skuadrave me të cilat u përballën në miqësore.
‘’Pas analizës së stafit teknik për punën e bërë së bashku me lojtarët, tashmë po ju paraqesim edhe një bilanc të plotë të asaj që u zhvillua në Maribor të Sllovenisë. Skuadra e Kukësit ka zhvilluar 3 miqësore me kundërshtarë të një niveli të lartë. 20 seanca stërvitore me një plan të mirëpërgatitur deri në detaje janë zhvilluar nga stafi teknik. 4 ditë të akomodimit i pranishëm ka qenë edhe presidenti Safet Gjici për të mbështetur skuadrën dhe parë nga afër përgatitjet’’, shkruhet ndër të tjera në statusin e publikuar nga skuadra në faqen e saj në Facebook.
Ekipi i Kukësit do të vazhdojë stërvitjet në Tiranë në mënyrë që në ndeshjen e parë me Radarin të tregojnë një formë sa më të mirë fizike.
Ndeshja e parë pritet të luhet në ‘’Elbasan Arena’’ në datën 30 qershor, ora 19.
Lexo gjithashtu
