Kukësi ka konfirmuar shkarkimin e Hasan Likës dhe emërimin e Ernest Gjokës në krye të pankinës verilindore. Nëpërmjet një postimi në facebook në faqen zyrtare, Kukësi bën me dije këtë lajm, teksa falënderon teknikun Lika për punën e bërë në skuadrën verilindore dhe i uron atij suksese në të ardhmen.
"F.K. Kukësi dhe trajneri Hasan Lika kanë ndërprerë marrëdhëniet mes tyre. Presidenti dhe ish-trajneri kanë mbyllur bashkëpunimin mes tyre duke shtrënguar duart dhe duke i uruar njëri-tjetrit më të mirën. Klubi nuk ka humbur kohë dhe ka filluar menjëherë punë për gjetjen e një trajneri të ri dhe ka arritur marrëveshjen me Ernest Gjokën. Ai do të prezantohet sot në orën 15:00, në zyrat e klubit. I urojmë suksese në detyrën e re!", shkruhet në njoftimin zyrtar të klubit.
Lexo gjithashtu
