Marsel Ismajlgeci/ © Credits instagram.com/fcballkaniofficial/
Ballkani u mposht 3-0 nga Dukagjini në gjysmëfinalen e parë të Kupës së Kosovës, në një sfidë të tensionuar për kampionët. Golat e Hekuran Berishës dhe Mërgim Pefqelit i dhanë epërsinë Dukagjinit që në pjesën e parë.
Sipas raportimeve të “Kanal10”, situata u përshkallëzua në dhomat e zhveshjes, ku drejtuesit e klubit kërkuan llogari nga lojtarët për paraqitjen zhgënjyese. Debati thuhet se ka qenë i ashpër, duke shkuar pranë një përplasjeje fizike.
Në këtë klimë tensioni, Marsel Ismajlgeci raportohet se refuzoi të rikthehej në fushë për pjesën e dytë, duke thelluar edhe më shumë krizën brenda skuadrës. Pritet të shihet nëse do të ketë ndëshkim për ish-in e Tiranës.
Poll
Lexo gjithashtu
