Kosova U-21 ka humbur ditën e sotme sfidën ndaj Estonisë, në kryeqytetin Talin. “Dardanët” e rinj kanë bërë një pjesë të parë amatoreske duke marrë dy gola. Takimi u mbyll në shifrat 3-1 për shtetin baltik.
Në të dytën Avdyli shënoi për ta në minutën e 77’, por ishte tepër vonë për të hyrë në atmosferën e lojës. Gjithashtu, 21 vjeçari Yll Ibrahimi që aktivizohet me Dritën mori një karton të kuq në minutën e 70’, ëka e paralizoi ekipin dhe e la me 2 qendërmbrojtësa në fushë nga 3 që e nisën takimin.
Kosova priste të merrte fitorën ndaj një kundërshtari të kalueshëm por nuk ia doli dot dhe ngel në kuotën e 12 pikëve. Me 3 pikë në xhep “Shpresat” do të kapërcenin ballkanasit e tjerë të Bullgarisë dhe do të dilnin në vend të 3-të në grupin D. Edhe me humbje gjithsesi, kosovarët ruajnë pozitat e njëjta duke lënë mbas veti estonezët.
Kombëtaret e moshave të Kosovës vazhdojnë “gjumin” dhe pas një barazimi të 17-të vjeçarëve pak orë më parë, tani e kanë radhën ata pak më të rritur të U-21 që të zhgënjejnë kur të gjithë prisnin një fitore të garantuar.
REZULTATI:
ESTONIA 3-1 KOSOVA (Teevali 21’ pen, Kristal 44’, Usta 87’/ Avdyli 77’)
RENDITJA:
GJERMANIA U-21 26 PIKË
POLONIA U-21 22 PIKË
BULLGARIA U-21 13 PIKË
KOSOVA U-21 12 PIKË
ESTONIA U-21 7 PIKË
IZRAELI U-21 4 PIKË
Lexo gjithashtu
