Ballkani duket se po zhvillon një nga merkatot më të fuqishme që është parë ndonjëherë në futbollin shqiptar. Kampionët e Kosovës kanë zyrtarizuar deri më tani emra të frikshëm që rrisin jashtëzakonisht cilësinë e ekipit.
Mjafton të përmenden emra si ylli brazilian Giovanni, ish-kapiteni i Kosovës U21 Eris Abedini, dy talentët e Shqipërisë Geralb Smajli e Marsen Ismajlgeci apo së fundmi edhe një makineri golash si Sunday Adetunji.
Por, në Suharekë nuk kanë ndërmend të ndalen me kaq. Burime të sigurta bëjnë me dije për Neësport.al se drejtuesit kanë arritur marrëveshjen me Alfred Mensah, sulmuesi i cili në 2 sezonet e fundit luajti me Partizanin në Superiore.
Mensah është lojtarë i lirë në treg pasi mbylli kontratën me ‘Demat’ dhe dukej pranë rikthimit te Skënderbeu derisa në skenë doli klubi i Ilir Dajës. Nga sa mësohet, ganezi 27-vjeçar ka firmosur me klubin dhe pritet vetëm zyrtarizmi në rrjete sociale.
Lexo gjithashtu
