Kosova nuk po kalon një moment të mirë, teksa pas humbjes me rumaninë në “Fadil Vokrri” shumë mesazhe, ku tifozët kanë reaguar të zhgënjyer. I radhës do të jetë dueli me Qipron, takim që do të luhet në transfertë ditën e nesërme në orën 18:00.
Pikërisht para kësaj përballjeje tifozët “Dardanë” kanë bërë një postim në rrjetet sociale. Një mesazh motivues për lojtarët dhe skuadrën, ndërsa kërkojnë që ndaj Qipros të vijnë rezultatet pozitive.
Mbështetja e tyre ndaj Kosovës nuk do të mungojë asnjëherë, teksa shprehen se “besa-besë” fanella “Dardane” meriton të jetë gjithmonë fitimtare.
“Kosova është dashuri që nuk shuhet kurrë, por kjo nuk nënkupton që të mos kërkojmë dhe dëshirojmë angazhim vetëmohues nga lojtarët apo çdo aktor i përfshirë në kombëtare. Duhet të respektohet çdo ndjenjë dashurie e tifozëve Dardanë për këtë bluzë të shenjtë për të cilën kurrë nuk është e tepërt të përsëriten sakrificat që janë bërë për t’i shijuar netët evropiane. Dashuria për ju nuk do të pësojë asnjëherë rënie prej Dardanëve. Do të jemi pranë jush. Mendjet dhe zemrat tona janë me ju qysh nesër kundër Qipros, sfidë të cilën dëshirojmë të ju shohim fitimtarë në fushë dhe me një energji të atillë që t’ua mbyllni gojën individualisht edhe plot dashakeqësve që fërkojnë duart për të ju sharë në rrëshqitjen e parë që bëni.
Duam të ju shohim të bashkuar si në momente mërzie sportive ashtu edhe në ato festive. Duam të ju shohim si një trup i vetëm ku protagonizmi vetanak nuk vendoset kurrë para interesit ekipor. Asnjë rezultat nuk mund ta vë në pikëpyetje përkrahjen për ju, por ju duam të buzëqeshur, të lumtur e krenarë se çka përfaqësoni, me mentalitet fituesish në fushë dhe asnjëherë kokulur apo të dorëzuar. Kjo tokë na ka ushqyer me patriotizëm të mjaftueshëm sa karshi vendit tonë të mos jemi asnjëherë të dorëzuar. Kosova nuk pranon dorëzim e dezertorë. Besa, besë. Forca Kosova ime!”, thuhet në postimin e tifozëve “Dardanë”.
View this post on Instagram
Lexo gjithashtu
