Një video e postuar nga "Korrekt Press", ku shihej kryetari i tifogrupit “Dardanë”, Lulzim Berisha dhe Amir Rrahmani ka marrë vëmendjen kryesore. Palët patën një diskutim me tone të “ashpra” mes tyre pas fitores me Qipron, ndërsa pretendohej se kryetari i tifogrupit “Dardanë” ka ofenduar kapitenin.
Video e publikuar nga “Korrekt Press”
Për këtë situatë Berisha ka reaguar në rrjetet sociale, duke mohuar të ketë ofenduar Armir Rrahmanin apo ndodnjë futbollist tjetët të Kosovës. Kryetari i “Dardanëve” sqaron se me kapitenin kanë patur një bisedë dhe nuk ka probleme me atë apo ndonjë futbollist tjetër. Ai "betohet" se qëllimi i tij dhe kryesisë së "Dardanëve" është shumë fisnik dhe se do të mbështesin gjithmonë Kosovën.
“SQARIM PER PUBLIKUN
Pas raportimeve te fundit mediale, si kryetar i Dardanëve dhe ne emer te krejt tifogrupit, deshirojme qe t'i kerkojme falje kapitenit tone Amir Rrahmanit dhe cdo lojtari apo stafit te gjithembarshem nese eshte ndier i ofenduar nga ndonje keqkuptim apo nga ndonje fjale e leshuar nga dikush prej tifozeve qe jodomosdoshmerisht nenkupton se eshte pjese e Dardanëve. Qellimi im si Lul nuk eshte ta ofendoj askend nga lojtaret.
Te njejten gje mund ta them edhe per kryesine tone te tifogrupit. Ne kemi qene ne cdo veshtiresi te Kosoves prane kombetares tone dhe ketyre lojtareve. Kemi qene edhe kur te tjeret e kane share. Kemi qene dhe i kemi mbrojtur e perkrahur ne Shkoder, Mitrovice, Prishtine apo kudo ne Evrope. Kosova eshte mbi secilin. Ne jemi per ta mbrojtur interesin e kombetares. Prandaj edhe nese dikush eshte prekur nga kombetarja apo stafi ta pranojne kerkimfaljen tone.
Qellimi yne eshte fisnik qe nga dita e pare. Do te jemi gjithmone tifozet besnike prane kapitenit Rrahmani, lojtareve dhe trajnerit. Sepse Kosova eshte ajo qe na bashkon dhe qe na bene diten, javen, muajin dhe vitin me te bukur. Gabimet jodashakeqese nuk perjashtojme rastin qe mund te kene ndodhur. Konstantja qe mbetet eshte dashuria per Kosoven”, ka shkruar Lul Berisha.
Lexo gjithashtu
