[caption id="attachment_12807" align="alignleft" width="300"]
Projekti i Kompleksit "Partizani"[/caption]
Punët për skuadrën e kuqe duken se po ecin mbarë. Pas zyrtarizimit të trajnerit dhe sulmuesit Ekuban, të kuqtë po presin edhe përfundimin e kompleksit të tyre, që po ngrihet në periferi të Tiranës, në vendin e ish-repartit ushtarak afër "Rrapit të Treshit". Fotot tregojnë që punimet po ecin me intesitet të lartë, ku drejtuesit e kuq kanë premtuar ngritjen "shtëpisë" së kuqe në kohë rekord. Sipas presidentit Demi gjithçka pritet të përfundojë shumë shpejt.
"Demat" do të kenë edhe një stadium të tyrin për të luajtur. Projekti i madh dalëngadalë po merr jetë, ku do të ndërtohen edhe dy fusha minifutbolli, krahas stadiumit me 4 mijë vende që do të jetë në dispozicion të Partizanit. Ky do të jetë një ndër komplekset më moderne në Shqipëri, pasi do të jetë multifunksional duke pasur gjithçka të domosdoshme për djemtë e skuadrës, përfshirë edhe palestrat. Aty do të ngrihet edhe akademia e Partizanit, që ka një projekt të madh për nxjerrjen e talentëve në të ardhmen.
[gallery columns="1" size="full" ids="12808,12810"]
Lexo gjithashtu
