Klubi i Skënderbeut mësohet të ketë apeluar vendimin për të hapur dyert e stadimit për ndeshjen e javës së ardhshme. Kampionët likuiduan dënimin e parë një javor, të dhënë nga Disiplina për të dënuar sjelljen antisportive të tifozëve dhe tani kanë nisur të shlyejnë dënimin tre javor të dhënë për incidentet në ndeshjen me Partizanin. Skënderbeu ka shlyer vetëm një nga tre ndeshjet e dënimit të marrë dhe javën e ardhshme, nëse ky dënim mbetet në fuqi, kryefjala e javës së 16-të do të luhet pa tifozë.
Skënderbeu ka apeluar dhe pret të mësoj nga ky komision një tjetër vendim. Korçarët pretendojnë që dënimi të ulet në dy ndeshje dhe në këtë mënyrë do të kenë mundësi të shlyejnë me gjobë gjysmën e dënimit dhe të rikthehen me Tiranën në stadium të mërkurën e ardhshme.
Veç korçarëve edhe tifozët bardheblu presin të mësojnë nëse do të kenë mundësi të udhëtojnë drejt Korçës dhe përkrahur skuadrën e zemrës.
Lexo gjithashtu
