Arsen Venger është kthyer në objektiv për Federatën e Futbollit të Anglisë, për të zëvendësuar trajnerin e "Tre Luanëve", Sem Allardajs që u largua pas skandalit të publikuar në mediat ishullore ku ai sugjeronte metodat se si mund të transferoheshin lojtarë në Premier Ligë duke iu shmangur detyrimeve të Federatës.
Tashmë trajneri i Arsenalit është një nga kandidatët për të marrë drejtimin e Anglisë, por francezi ka pranuar dje pas ndeshjes kundër Bazelit se prioriteti i tij është klubi që e drejton prej 20 vjetësh.
"Interesimi i Federatës Angleze të futbollit për mua, është një kënaqësi më vete. Por prioriteti im ka qenë gjithmonë Arsenali. Deri në fund të këtij sezoni unë jam këtu dhe plotësisht i fokusuar në klubin tim", tha shkurt dhe qartë Arsen Venger për mediat angleze dje pas fitores 2-0 të "topçinjve" kundër Bazelit në Champions League.
Lexo gjithashtu
