Shpëtim Duro ka folur pas barazimit 1-1 me Partizanin. Trajneri i Flamurtarit deklaroi për mikrofonin e Supersport:
"Sigurisht që më vjen keq për Partizanin, por nuk është se e nxorri Flamurtari Partizanin në luftën për titull. Partizani ka gabuar shumë dhe ishte Vllaznia ajo që e nxorri, më pas Kukësi dhe në fund Laçi. Ne i dhamë shtytjen e fundit. Partizani nuk e meriton vendin e tretë, por titullin kampion. Mendoj se nuk e kanë administruar mirë për ta fituar këtë titull.
Këto ndeshje janë shumë të tensionuara. Në këtë moment, një pikë të duket si gjashtë pikë. Në pjesën e parë, Partizani luajti më mirë. Ndërsa në pjesën e dytë skuadra dha maksimumin, por edhe mund të fitonim, por edhe të humbnim.
E keqja më e madhe e Partizanit është se nuk merret me fushën e lojës, por është marrë për faktorë sekondarë. Çuditem për sot, se nuk e di ku është vjedhur sot Partizani. Partizani nuk e humbi
kampionatin sot, por ditë më parë.
Më vjen keq që Partizani pas tre sezonesh qëndron ende në objektivin për të marrë pjesë në Kupat e Europës. Partizani ka ardhur sot me mendimin që po doli gjë mirë, siç themi ne. Tashmë jemi më të qetë. Me Laçin edhe barazimi na intereson. Nëse fitojmë jemi për Kupat e Europës. Objektivi kryesor sigurisht është mbijetesa", ka përfunduar Shpëtim Duro.
Lexo gjithashtu
