Mesut Ozil la dje fushën me barrelë pas 67 minutash lojë. Fantazisti i Fenerbahces doli nga fusha pas një dëmtimi të rëndë, me të tijtë që nuk shkuan më shumë se barazimi 1-1 në shtëpi me Antalyaspor. Mediet turke bëjnë me dije se lojtari ka mbyllur sezonin, duke këputur ligamentin e gjurit.
Në rrjetet sociale, ish-fantazisti i Arsenal dhe Gjermanisë ka reaguar duke treguar gjendjen e tij. Ozil shprehet se do mungojë për javë të tëra, ndërsa konfirmon shkallën e rëndë të dëmtimit.
"Me të vërtetë I trishtuar që nuk do të jem në gjendje të ndihmoj ekipin tim për shkak të këputjes së ligamentit të jashtëm në ndeshjet e ardhshme. Mund të ishte edhe më keq, ndërsa unë do kthehem së shpejti në fushë. Faleminderit për mbështetjen", shkruan Ozil.
Poll
Lexo gjithashtu
