Flamurtari është në formë shumë të mirë dhe këtë e vërtetoi fitorja brenda me Lushnjen në shifrat 2-1. Vlonjatët kërkojnë ngjitjen pas shumë vitesh në majat e futbollit shqiptar dhe për këtë kërkojnë të kenë në krahë sa më shumë mbështetës.
Ndeshja e radhëqs për Kategorinë e Parë zhvillohet me një ekip rival siç është Besa. Klubi i drejtuar nga Mirel Josa pretendon ngjitjen dhe ka investuar mjaft si rasti i skuadrës nga Vlora. Takimi më i rëndësishëm i javës në këtë kategori luhet të martën me destinacion qytetin e Rrogozhinës. Kujtojmë që Besa i luan ndeshjet në impiantin e Egnatias pasi stadiumi në Kavajë është nën rikonstruksion pas shumë vitesh braktisje.
Klubi bregdetar ka dal në njoftim zyrtar ku kërkon përkrahjen e tifogrupit “Flota Kuqezi” për këtë sfidë me kaq rendësi për fatet e sezonit. Të gjithë sportdashësit që dëshirojnë të bashkohen në transfertën kavajase do të duhet të mblidhen jashtë stadiumit “Flamurtari” qysh në 11:00, për t’u nisur në 11:30, pasi takimi starton në mesditë. Dashamirësit e kanë transportin falas dhe kjo është një indicie më shumë për të parë shkallët e “Arena Egnatia” plot e për plot.
Flamurtari nëse fiton përballjen direkte me Besën e çon diferencën në +6 pikë me vendin e dytë dhe fillon shkëputjen ndeterminante. Shumçka mund të vendoset në Rrogozhinë, e cila tashmë është kthyer në epiqendrën e futbollit shqiptar fal inkuadrimit pozitiv si të Besës e të vendasve të Egnatias në arenën shqiptare. Ultrasit e Flamurtarit kanë mundësinë të përjetojnë emocionet e një ndeshjeje decizive dhe plot antagonziëm.
Deklarata zyrtare e Klubit Flamurtari drejtuar fansave:
NJOFTIM NGA FLOTA KUQEZI PËR TË GJITHË TIFOZËT E FLAMURTARIT DHE SPORTDASHËSIT!
Ditën e martë më 5 Nëntor, FLAMURTARI luan në Rogozhinë përballë BESËS.
Për ne udhëtimi në këtë transfertë dhe mbështetja ndaj skuadrës dhe djemëve tanë që po japin shpirtin në fushë, është detyrim.
Për sportdashësit do të vendosen në dispozicion autobusë falas.
Të martën ne orën 11:00 do të mblidhemi përpara Stadiumit “Flamurtari”, nisja bëhet në orën 11:30.
Së bashku për ta çuar në +6 diferencën!
Të bashkuar për një qëllim, të bashkuar për Flamurtarin
Ecim të gjithë bashkë me një qëllim drejt Superligës, për fitoren e 10 radhazi.
Merr një shok, vishu me të kuqe ose të zezë dhe të udhëtojmë për fitore.
FORCA FLAMURTAR, FORCA ÇUNA, KRENARË PËR JU!
Lexo gjithashtu
