Kapiteni i skuadrës së Pogradecit Vangjel Zguro, po zhvillon sezon fantastik në Katgeroinë e Parë. Gjatë këtij edicioni, mbrojtësi i majtë numëron 4 gola dhe 7 asiste në 25 paraqitje. Në postrimin e fundit, klubi liqenor ka bërë postim special për futbollistin 33-vjeçar në rrjetet sociale, madje me nota të larta vlerësime dhe emotive:
“Në historinë e futbollit shqiptar ka emra që nuk janë thjesht lojtarë, por simbol i një qyteti, i një epoke dhe i një shpirti që nuk shuhet kurrë. Një ndër ta është pa dyshim Vangjo Zguro. Kapiteni i liqenorëve, lideri që mbajti mbi supe krenarinë e Pogradecit, Zguro nuk është vetëm një futbollist i shkëlqyer, por një frymëzim i gjallë për breza të tërë.
Me përkushtim, karakter dhe pasion të rrallë për lojën, ai arriti të shkëlqejë në elitën e futbollit shqiptar, duke lënë gjurmë të pashlyeshme në çdo fushë ku luajti.
Ai përfaqësonte më shumë se një skuadër, ai përfaqësonte një qytet, një identitet dhe një dashuri të pastër për fanellën. Çdo ndërhyrje, çdo sakrificë dhe çdo moment në fushë mbante brenda zemrën e një pogradecari të vërtetë.
Sot, emri i tij vazhdon të kujtohet me respekt dhe emocion, si një shembull i rrallë i besnikërisë dhe madhështisë në sport. Trashëgimia që ai ka lënë pas është një thesar për futbollin dhe një krenari e përjetshme për Pogradecin.
Vangjo Zguro nuk është thjesht pjesë e historisë, ai është vetë historia”. Përsa i takon renditjes në Kategorinë e Parë, Pogradeci i drejtuar nga Emiljano Çela mban vendin e 3-të në tabelë me 61 pikë, 6 më pak se Skënderbeu kryesues dhe 3 larg Laçit të vendit të dytë.
Lexo gjithashtu
