Korabi vijon përgatitjet për startin e edicionit të ri sportiv që i gjen ata në Kategorinë e Parë. Klubi dibran pësoi disa ndryshime pas mbylljes së sezonit të shkuar, si në organikën e lojtarëve, ashtu edhe në stafin teknik.
Megjithatë, drejtuesit kanë nisur punën prej ditësh për të ndërtuar skuadrën dhe trajneri i ri u emërua Agim Canaj. Në skuadër janë afruar Dejan Andoni dhe Uesli Çomo, ndërsa ‘Futbolli në Shqipëri’ raporton se është gjetur gjuha e përbashkët edhe për tre të tjerë.
Manuel Alla, Klevis Lushaku dhe Ariel Peralta do të jenë lojtarët e rinj të Korabit. I pari vjen nga Gramshi dhe mbulon rolin e portierit, ndërsa Peralta shihet si përforcim i rëndësishëm për repartin e sulmit teksa së fundmi ishte pjesë e Vorës. Lushaku është një njohje e vjetër teksa rikthehet në skuadër pas një sezoni larg.
Lexo gjithashtu
