Në një postim në faqen e tij në "Facebook", gazetari Kastriot Myftaraj ka sulmuar Kryeministrin Rama, duke postuar një status ku shpreheshin nota "ironie" për Kryeministrin e vendit, i cili ditën e djeshme ka qenë i ftuar nderi nga ana Bayern Munchen për të ndjekur ndeshjen bavarezeve me Leverkusenin.
Teksti i plotë i asaj çfarë ka shkruar Kastriot Myftaraj kundër Ramës:
"U mor vesh, edhe nga takimi i fundit me Rumenigen, që Edi Rama, ndonëse ish-basketbollist, adhuron futbollistët e shquar, jo basketbollistët. Basketbollin e shihte si punë angari që duhet të bënte që të kishte mundësi të dilte jashtë Shqipërisë, në kohën e izolimit komunist. Edhe pikturën e shihte si një profesion për të marrë rrogën, se atëherë piktorët paguheshin me rrogë nga shteti. Në zemër kishte karikaturën, çka duket dhe nga pikturat e tij të sotme. Por tani po duket se edhe politikën dhe qeverisjen i shikon me të njëjtën logjikë, si anarki të kontrolluar nga një individ" - ka shkruar Kastriot Myftaraj në profilin e tij në "Facebook".
[gallery columns="1" size="full" ids="58389"]
Lexo gjithashtu
