Për dy ditë me radhë në palestrën e boksit të klubit Vllaznia është zhvilluar Kampionati Kombëtar i Boksit për shkollorët (12-14 vjeç). Ajo që ka rënë në sy ka qenë pjesëmarrja e një numri të konsiderueshëm sportistësh, 62, çka do të thotë se interesi për këtë sport vazhdon të jetë i madht. Sa i takon numrit të ekipeve, këtë herë kanë qenë 9 skuadra të pranishme, mes të cilave edhe Kamza, ekipi më i ri në boksin shqiptar. Rivaliteti ka qenë i madh për titullin kampion dhe konkurrenca ka qenë e fokusuar në luftën mes Vllaznisë dhe Teutës.
Në fund ka triumfuar kjo e fundit, që ka arritur të grumbullojë më shumë pikë dhe të nxjerrë më shumë kampionë, plot 6, ndërsa Vllaznia është renditur e dyta me 5 kampionë të nxjerrë. Në vend të tretë ndërkohë është renditur ekipi i Tiranës.
Sakaq, gjyqtaria ka vlerësuar me kupën e boksierit më të mirë të kampionatit Erjon Dedën e Vllaznisë, ndërsa kupa e boksierit më luftarak ka shkuar për një tjetër boksier të ekipit shkodran, Angjelin Dardhën. Pas një jave, Federata Shqiptare e Boksit do të organizojë edhe kampionatin e 16-vjeçarëve ku sërish pritet të ketë një rivalitet mes ekipeve të Vllaznisë dhe Teutës./Telesport
Fituesit e kampionatit U-14 në boks
35.5kg, A.Zeneli (Flamurtari)
37kg, L.Dembi (Tomori)
40kg, A.Sulejmani (Teuta)
41.5kg, D.Murja (Teuta)
44.5kg, E.Toçi (Teuta)
46kg, E. Deda (Vllaznia)
48kg, Th.Ymeri (Teuta)
48kg, Xh.Bejko (Teuta)
50kg, I.Peposhi (Tirana)
54kg, M.Laraku (Teuta)
56kg, A.Arizi (Elbasani)
59kg, F.Ruçaj (Tirana)
63kg, A.Dardha (Vllaznia)
67kg, E.Bushi (Vllaznia)
72kg, K.Doda (Vllaznia)
76kg, H.Nikaj (Vllaznia)
+76kg, G.Marku (Teuta)
+76kg, D.Kaloshi (Tirana)
Renditja ekipore: 1-Teuta, 2-Vllaznia, 3-Tirana.
Boksieri më i mirë: Erjon Deda (Vllaznia)
Boksieri më luftarak: Angjelin Dardha (Vllaznia)
Lexo gjithashtu
