Kombëtarja shqiptare do të marrë për herë të dytë pjesë në një Europian, teksa këtë herë ekipi i drejtuar nga Sylvinho do të luajë në fazën finale të Euro 2024. Në grup kombëtarja jonë u “peshkua” me Spanjën, Kroacinë dhe Italinë, kundërshtarë që në këtë kompeticion kanë shkruar historinë.
Në lidhje me shortin ka folur Dzemal Mustedanagic. Ky i fundit e njeh mjaft mirë vendin tonë, pasi në të kaluarën ka punuar me kuqezinjtë. Trajneri boshnjak paralajmëron rivalët tanë për forcën që ka Shqipëria.
68-vjeçari në një intervistë për mediat kroate ka theksuar se kuqezinjtë mund t’i bëjnë dëm çdo kundërshtari dhe se nuk dorëzohen lehtë, kështu ata mund edhe të kalojnë grupin e “ferrit”.
“Kam punuar në Shqipëri për 12 vjet, kam përzgjedhur lojtarë dhe jam kujdesur për shumë nga lojtarët e sotëm të Kombëtares A dhe prandaj jam jashtëzakonisht i lumtur që shoh sa të suksesshëm janë.
Grupi B? Grupi i vdekjes, më i forti.Çfarë renditje parashikoni për Shqipërinë?
– Mund të shkojnë më tej, edhe pse nuk do të jetë çudi nëse nuk fitojnë asnjë pikë. Por unë mendoj se mund të kalojnë grupin.Dallimi Reja-Silvinho. Reja luajti me sistemin 5-4-1, dhe kjo nuk u shkon përshtat shqiptarëve, vetë lojtarët kërkuan të luanin mbrojtjen me katër, që është edhe tani. Tani skuadra ka lojtarë të mirë individualist, që mund të bëjnë ndryshimin.
Keni një mesazh për trajnerin Zlatko Dalić ?– Duhet të studiohen shumë mirë. Duhet pasur shumë kujdes dhe duhen marrë sa më seriozisht të jetë e mundur. Ata hynë në Europion në mënyrë superiore dhe do të bëhen më të fortë me kalimin e kohës. Ata luftojnë deri fund” , përfundoi trajneri boshnjak.
Lexo gjithashtu
