Juventusi kërkon mbrojtës, bardhezinjtë nën gjurmët e kapitenit më të ri të Champions League

Javën e shkuar në Champions League është luajtur ndeshja mes Ajaks-Real Madrid që ka përfunduar me rezultatin 1-2 për kampionët e Europës. Gjithsesi, në këtë sfidë, kapiteni i holandezëve ishte Matthijs De Ligt, i cili ka hyrë edhe në historinë e Champions si lojtari më i ri që e mban shiritn e kapitenit.

19 vjeçari është nën “radarët” e Juventusit, që e kanë shtatlartin si objektivin kryesor për ta sjellë në “Allianz Stadium” sezonin e ardhshëm, pasi po mendojnë për rinovimin e prapavijës, raporton “Tuttosport”. Mbetet për t’u parë nëse drejtuesit e klubit do e kenë shumë të qartë objektivin për ta sjellë De Light në Torino.