Xavi do t’i japë “lamtumirën” Barcelonës në fund të sezonit aktual, duke mos qenë më trajner i katalanasve. Kjo ka bërë që klubi të shqyrtojë emrat e mundshëm që mund të jenë zëevndësuesi ideal i trajnerit spanjoll.
Një nga emrat e përfolur është ai i Jurgen Klopp, me gjermanin që do të largohet nga Liverpool në fund t sezonit. Teksa për temën e trajnerit të ri ka folur edhe vetë drejtori sportiv i Barcelonës, Deco. Portugezi thotë se nuk është momenti i duhur për të folur për këtë çështje.
“Klopp është një trajner madhështor, por nuk mendoj se është momenti i duhur për të folur për këtë çështje. Kemi disa alternativa në lidhje me pasardhësin e Xavit. Do të diskutojmë më vonë rreth trajnerit tonë të ri”, është shprehur Deco.
Përveç Klopp, për stolin e Barcelonës janë përfolur edhe shumë emra të tjerë ku ndër to janë, Thomas Tuchel, Hansi Flick, Frank Rijkaard apo Mikel Arteta.
Lexo gjithashtu
