Marcio Sampaio e mbyll me Benfica. 42-vjeçari ishte pjesë e stafit të Jorge Jesus, por me largimin e tij nga skuadra është larguar edhe Sampaio. Për 18 muaj, ish trajneri i Partizanit ka punuar te Sporting Lisbona e më pas Benfica së bashku me Jorge Jesus, ndërsa tani ka ngelur pa skuadër.
Portugezi në të kaluarën ka qenë pjesë e Partizanit në sezonin 2013-2014, duke qenë në fillim si përgatitës atletik, ndërsa më pas mori rolin e trajnerit nga presidenca e kuqe pas largimit të Hasan Likës.
Përmes një postimi në rrjetet sociale, Sampaio ka reaguar duke theksuar se është krenar që ka qenë pjesë e Sporting dhe Benfica, ndërsa tani është koha për pushime e për të qendruar pranë familjes deri në momentin që do të ketë një ofertë të re.
Postimi i Sampaio:
18 muaj duke përfaqësuar Benfica. Krenar që kam përfaqësuar një skuadër kaq të mirë.
Tani dua dhe do të pushoj sepse duhet, të kaloj kohë me familjen time, të kujdesem për shëndetin dhe shpresoj se koha mund të jetë këshilltare e mirë në paraqitjen e një sfide të re.
Lexo gjithashtu
