Ditën e sotme nuk do të luhet vetëm për llogaritë e Champions League. Në Premier League dhe La Liga do të luhen dy takime mjaft interesante dhe që vendosin shumë për fatet e skuadrave këtë sezon.
Në Angli do të jetë një përballje “titanësh” mes Arsenalit kryesues dhe Manchester Cityt. Vetëm 3 pikë i ndajnë skuadrat në renditje dhe dueli mes tyre është për titull dhe kryesimin e kampionëtit.
“Topçinjtë” këtë sezon kanë kryesuar të vetëm Premier Leaguen por rezultatet negative në dy javët e fundit kanë bërë që skuadrat e tjera të ngushtojnë diferencën. Djemtë e Pep Guardiolës janë më të motivuar se kurrë për të fituar këtë takim. Në “Emirates” ora 20:30 do te jetë një “luftë” e vërtetë.
Gjithashtu edhe Real Madrid do të zbresë në fushën e lojës. Në “Santiago Bernabeu” do të sfidojnë Elchen, me takimin që starton në orën 21:00. “Los Blancos” do të synojnë të ngushtojnë direfencën prej 11 pikësh me Barcelonën, teksa nuk pritet të hasin vështirësi ndaj vendit të fundit në klasifikim.
Lexo gjithashtu
