Kush do e gjykojë këtë ndeshje? Natyrisht një ndërkombëtar, edhe pse, kushdo nga këta që janë këtu, Jemini apo Jorgji, janë të dy në një farë mënyre me kusure në kurriz të Tiranës. Pse? Për shumë arsye. Thjesht dhe vetëm nëse vë në lëvizje memorien, të dy kanë qenë pjesë e anatemuar në kurriz të Tiranës, dhe jo vetëm në përplasjet derbi. Jemini në derbin e fundit, apo Jorgji në përballjen me Skënderbeun. Barazimi i minutit të fundit në derbin e fundit prodhoi moviolën e një faulli, pavarësisht kohës shtesë. Sidoqoftë çdo gjë mbaroi 2-2. Nga ana tjetër Jorgji shndërrohet protagonist në sfidën me Skënderbeun në dy momente, brenda në “Selman Stërmasi”.
Në 13 tetor të 2013-tës, Tirana i drejtohet President Dukës me një letër karshi Jeminit në një derbi që ata e konsideruan si lojtarin nr.12 të Partizanit.
“Mosdhënia e kartonëve ndaj lojtarëve të Partizanit, dhënia e kartonëve pa arsye ndaj lojtarëve të Tiranës si dhe mosakordimi i tre 11-metërshave, janë tregues se Lorenc Jemini ishte tendencioz ndaj nesh, gjë e cila tregon hapur gjithcka po ndodh. Ky skenar i parapërgatitur është produkt joindividual, por institucional, shumëpërfshirës dhe në rrethanën e bashkëpunimit ndërmjet të gjitha subjekteve pjesëmarrëse…”- do të ankohej atëherë Tirana për atë ndeshje që provokoi edhe largimin nga pankina të Dedes.
Në 24 shkurt të 2016-tës, Tirana sërish ngre zërin kundër Jorgjit (pretendent për derbin e së djelës), por edhe kundër Andi Koçit, proragonist në Durrës. “Tirana do të kërkojë zyrtarisht pranë Federatës Shqiptare të Futbollit përjashtimin e gjyqtarit Andi Koçi përgjithmonë nga futbolli, do të kërkojë që gjyqtari Enea Jorgji të mos gjykojë më ndeshjet e Tiranës, si dhe do të kërkojë që në takimet e radhës me Skënderbeun të gjykohen nga gjyqtarë të huaj. Tirana i kërkon publikisht Federatës Shqiptare të Futbollit të mos mjaftohet me pezullime gjyqtarësh, si masë ndëshkimore, por të marrë masa për të mos dëmtuar investimet e mëdha të klubit, mundin e futbollistëve si dhe ndjenjat e tifozërisë bardheblu, që sakrifikon shume dhe meriton të respektohet..”,- do të kërkonte atë ditë Tirana.
Në plot 4 ndeshje ndaj Skënderbeut, 3 të sezonit të kaluar dhe 1 të mëparshëm, sipas klubit bardheblu, janë vendosur nga gjykimi i njëanshëm i Koçit dhe Jorgjit, nga 2 ndeshje secili, me penallti në favor të korçarëve dhe penallti të mohuara në favor të Tiranës. Vetëm 4 ditë më parë Tirana nuk deshte Jorgjin për këtë sfidë, dhe e kishte kërkuar publikisht këtë.
Tashmë, si Jorgji dhe Jemini janë gati. Më shumë Jorgji, që vjen në këtë ndeshje si ndërkombëtari i vetëm, ndërsa më pak Jemini, aq më shumë që nuk akordoi në 11-metërsh ndaj Kukësit vetëm një javë më parë. Që të dy, në një mënyrë, apo tjetër, por edhe një skuadër e madhe e arbitrave karshi Tiranës kanë disa “taksirate” për të mbyllur. Aq më shumë Jorgji, që gjithsesi, edhe në anën e Partizanit profilizohet si gjyqtar më shumë pro-Korçës.
Lexo gjithashtu
