Ish-sulmuesi i Teutës dhe Besës Vedat Muriqi duket se do të luajë për klubin e njohur turk Fenerbahce. 24-vjeçari që përfaqëson në rang ndërkombëtar Kosovën është fare pranë firmosjes së kontratës me njërin prej skuadrave më të fuqishme të Turqisë. Lajmin e bën me dije media turke
"fotomac.com", e cila thekson se klubi po projekton rinovimin e skuadrës për sezonin e ri, ku synohen të sillen 3 sulmues dhe njëri prej tyre është "as"-i i Rizersporit Muriqi.
Prej muajsh është përfolur se Fenerbahce insistonte për shqiptarin dhe duke parë emrin dhe financat e forta, Rizerspori mund të pranojë të sakrifikojë Muriqin.
Ai po kryen një sezon fantastik në aspektin personal duke realizuar 14 gola në 31 ndeshje në kampionat. Muriqi është njëri prej pikave kyçe të përfaqësueses së Kosovës.
Lexo gjithashtu
