Thiago Silva ka “sulmuar” Paris Saint-Germain në një intervistë të dhënë së fundi. Braziliani kaloi tek klubi francez plot 8 sezone, ndërsa aktualisht aktivizohet tek anglezët e Chelsea. Kujtojmë që qendërmbrojtësi ka fituar plot 23 trofe me PSG-në, por asnjëherë Champions League.
Pikërisht Champions League është një trofe që lakmohet prej vitesh nga drejtuesit e Parisit, por nuk ia kanë arritur pavarësisht investimeve marramendëse. Ata kanë arritur vetëm një herë finalen, ndeshje të cilën e humbën përballë Bayern Munich me rezultatin 1-0.
“Nuk mund të fitosh gjithçka vetëm pse ke shumë para, futbolli nuk funksionon kështu. Nëse nuk ke një plan të qartë për atë që dëshiron të arrish, gjërat nuk do të shkojnë mbarë.
Së pari duhet të jesh i respektuar në atë vend ku po investon që më pash të respektohesh edhe jashtë. Kjo gjë nuk ka ndodhur. Ne kemi bërë të kundërtën te PSG, sepse donim të respektoheshim jashtë Francës.
Por nuk bëmë asgjë për të fituar respekt në Francë”, është shprehur 39-vjeçari brazilian.
Lexo gjithashtu
