Çarles Atsina ishte një nga lojtarët e radhës që arriti të fitonte gjyqyn me skuadrën e Vllaznisë. Sulmuesi i cili ndënjti për pak muaj në Shkodër u largua nga skuadra pasi drejtuesit e klubit e dërguan te ekipi B. Atsina nuk pranoi duke u larguar nga skuadra dhe në fund arriti të fitonte gjyqin duke i marrë një shumë prej 40 mijë eurosh Vllaznisë. Sot ai feston 30-vjetorin e lindjes dhe ish-drejtori sportiv i Vllaznis, Eugent Zeka tregon disa prapaskena merkato në faqen e tij në Instagram.
"Atsina ishte një nga lojtarët më të plotë që ka luajtur në Shkodër. Është i shpejtë, një shpejtësi e kombinuar me teknikë të mirë, i fortë fizikisht, godet mirë si me të majtën, si me të djathtën, shumë i zgjuar në lëvizjet midis vijave të mbrojtjes. Ai mbërriti në Shkodër në një formë të jashtëzakonshme dhe ishte menjëherë një lojtar i dashur nga tifozët, duke shënuar 6 gola në katër ndeshje miqësore.
Por për fat të keq, pas një trajnimi ndeshje në Berane (Mal i Zi), pësoi një dëmtim në tendinën e gjurit të majtë. Gjithsesi ai vazhdoi trajnimin në mënyrë të barabartë me skuadrën, edhe pse u detyrua të humbë disa ndeshje kampionati. Gazetat folën për të çdo ditë, duke e vendosur atë në qendër të vëmendjes midis kritikave dhe falsiteteve mbi gjendjen e tij fizike.
Ai mundi të kthehet në lojë kundër Kukësit me një shërim të përshpejtuar, për shkak se stafi teknik kishte nevojë për kthimin e tij në ekip. Një lojtar i tha drejtuesve që donte të përdorte numrin 9 që i përkiste Atsinës. Ai u zemërua dhe tha se në qoftë se nuk i kthehet numri 9, nuk do të ishte pjesë e ekipit. Kështu që numri 9 ju kthye. Pas 22 minutave lojë kryesonim me dy gola, të dy golat të shënuar nga Atsina në portën e ekipit kampion të Shqipërisë.
Të nesërmen më tha se Luçiano Moxhi e kërkonte vazhdimisht për ta marrë atë te Partizani me një pagë të dyfishtë. Fatkeqësisht katër ndeshje pas kthimit ai u lëndua në gjurin e tij të djathtë, kështu që nuk mundi të përfundojë kampionatin. Për fat të keq, edhe pse nuk kishte asnjë lëndim të rëndë, as në gjurin e majtë, as në gjurin e djathtë, ai qëndroi jashtë fushës për disa muaj në mënyrë që të shërohej pa pasur nevojë t'i nënshtrohet ndonjë operacioni kirurgjik. Kjo është ajo që më kujtohet nga Atsina, një djalosh i përulur, serioz dhe mbi të gjitha një njeri profesionist, i cili mbush 30 vjeç sot", shkruan Zeka.
Lexo gjithashtu
