Ironia e fatit, debuton si titullar me Skënderbeun në Superligë, pikërisht ndaj ish-ekipit…

Argjend Malaj ka debutuar sot si titullar në Superligë me fanellën e Skënderbeut.

Mesfushori 22-vjeçar nuk ka marrë hapësirat e mjaftueshme në këtë sezon nga trajneri Agostineli, ndërsa sot kundër Tiranës, kosovari u aktivizua nga fillimi duke qenë se mungonte Argjend Mustafa.

Malaj zhvilloi një paraqitje pozitive, ndonëse debutimi i tij në kampionat si titullar përkoi kundër ish-ekipit të tij, Tiranës.

Mesfushori kosovar spikati në Superligë me bardheblutë, tek të cilët u transferua dy sezone më parë, ndërsa në verë kaloi te Skënderbeu.

Ironia e fatit për Malajn që luajti nga minuta e parë pikërisht kundër Tiranës, ndërsa një gjë e tillë përkoi edhe me fitoren e Skënderbeut me rezultatin 2-0.

Malaj me menaxherin e klubit te Skenderbeut, Gerhard Takaj pas firmosjes se kontranes me klubin korcar ne veren e ketij viti