Interi do të udhëtojë në transfertën e Bolognas për të bërë llogaritë e javës së 24-të të Serie A. Zikaltërit kërkojnë të vazhdojnë me fitore për të “blinduar” vendin e dytë në klasifikim.
Por para duelit të ditës së sotme që luhet në orën 12:30, Simone Inzaghi është në “hall” të madh. Trajneri i zikaltërve do të ketë dy mungesa të rëndësishme në këtë transfertë, gjë e cila i ka shtuar “dhimbjet e kokës”.
Milan Skriniar dhe Federico Dimarco nuk do të jetë në dispozicion për sfidën e “Dall’Ara”-s. Sllovaku vuan nga pubalgjia dhe është lënë pushim, ndërsa mbrojtësi italian është ankuar për dhimbje në muskujt e barkut.
Asnjëri prej tyre nuk do të udhëtojë me skuadrën drejt Bolognës, teksa Inzaghi ka provuar gjatë seancës së sotme stërvitore edhe dy zëvendësuesit.
Kështu në mbrojtje, në vendin e Skriniar pritet të aktivizohet Danilo D’Ambrossio, ndërsa në të majtë gjermani Robin Gosens, i cili pret një tjetër shans pas paraqitjes së mirë ndaj Portos.
Lexo gjithashtu
