Milani u mposht ditën e djeshme me rezultatin 0-3 nga Interi në derbin e Milanos. Një humbje e rëndë për kuqezinjtë që tashmë largohen në -4 nga Interi kryesues.
Ditën e sotme, Zlatan Ibrahimovic ka marrë çmimin “Tapiro de Oro”, që jepet nga emisioni Striscia la notizia, për lojtarët apo futbollistët që zhgënjejnë në ndeshjet e tyre. Këtë herë ishte radha e Ibrës që e ka marrë këtë çmim, ndërsa ka komentuar edhe humbje nga Interi.
“Ishte e vështirë. Ne bëmë shumë gabime, por do të ringrihemi. Në ndeshjen e radhës do të shkoj me “Tapiro”, ndoshta kjo do të sjellë fat. Sanremo? Tani jam i përqendruar te ndeshjet”, u shpreh Ibra. Ky ishte “Tapiro de Oro” I 6-të në karrierën e sulmuesit suedez.
Loading ...
