Peshëngritësi shqiptar Briken Calja deklaron se kolegët e tij po hasin vështirësi të mëdha në përgatitje për shkak të përkrahjes minimale nga shtetit. Në emisionin “Fair Play” në Ora Neës, sportisti theksoi se kolegët e tij marrin mbështetje të madhe nga familja.
“Momente të vështira ka në çdo sport. Problematikat që ka sporti nuk vijnë vetëm nga sportistët, por menaxhimi, fondet, funksionimi, ambjentet janë shumë gjëra që sjellin probleme te sportistët. Por duke pasur parasysh se sportistët kanë dhënë shumë herë më shumë se sa i takon nga ato çka marrin. Rezultatet vijnë edhe nga mbështetja e familjes sepse po t’i hysh pjesës së shtetit ka shumë problematika dhe është e pamundur që të bëjsh sport dhe të zhvillohesh në kushte normale dhe të barabarta me Evropën apo Botën. Sepse të gjithë sportet individuale kanë problematikat e tyre, duke nisur që nga uniformat, pastaj mos të arrijmë te medaljet sepse është meritë e çdo familjeje të çdo sportisti dhe jo e shtetit. Shteti është inekzistent ndaj gjithë sportit”, deklaroi Calja.
Në kampionatin botëror që u mbajt këtë vit në Turkmenistan, Calja arriti rezultatin më të mirë nga peshëngritësit e Shqipërisë duke zënë vendin e gjashtë në renditje, edhe pse ishte i dëmtuar.
Loading ...
