Historike për Kosovën. Shteti Dardan ditën e sotme ka fituar të drejtën e organizimit të Europianit të xhudos. Unioni i Europianit të xhudos i ka besuar Kosovës organizimin e këtij turneu që starton më 16 dhjetor.
Fondi për fituesit do të jetë 300 mijë euro, ndërkohë që presidenti i Federatës së Xhudos së Kosovës, Agron Kuka u shpreh i lumtur për këtë arritje.
“Formati i ri i Europianit mbështetet shumë nga qeveria. Ne ofrojmë një stimul të madh financiar për sportistët tanë, të cilët kanë bërë bujë me tre medalje olimpike në vitet e fundit.
Atletët dhe trajnerët mund të fitojnë 150,000 euro për peshë, një hap i madh ky për standardet e këtij sporti.
Xhudo është prej kohësh një sport kombëtar këtu. Ajo që na ka munguar deri më tani është një turne në shtëpi ku yjet tanë kryesorë mund të shfaqen para tifozëve”, deklaroi Kuka.
Kujtojmë se sporti i Xhudos ka nxjerrë kampionë si Majlinda Kelmendi, Nora Gjakova dhe Distria Krasniqi.
Lexo gjithashtu
