Hektor Idrizaj është emri më i përfolur së fundmi për t'iu bashkuar skuadrës së Partizanit. Mbrojtësi vlonjat ka kontratë me ekipin e Kamzës deri në fund të sezonit dhe për këtë kalimi i tij tek të kuqtë ka ngecur.
Dëshira e tij është të përfaqësojë 15-herë kampionët e vendit, megjithatë presidenti Naim Qarri nuk mund ta lërë lojtarin e linjës së djathtë pa marrë diçka në këmbim. Kësisoj, në lojë tashmë është futur edhe Erald Çinari.
Sulmuesi shkodran është kërkuar nga klubi kamzali për t'u huazuar për gjysmën e dytë sezonit. Vetëm duke fituar shërbimet e Çinarit, presidenti Qarri mund ta lërë të lirë Hektor Idrizajn. Zhvillime të reja priten në orët e ardhshme për sa i përket destinacionit final të mbrojtësit vlonjat.
Poll
Lexo gjithashtu
