Specialisti i futbollit dhe ish-trajneri, Shkëlqim Muça ka analiazuar javën e dytë të Superligës. Katër barazime 1-1 dhe fitorja e Kukësit shihen si të vakëta nga Muça, që tregon te Rubrika Sportive se Tirana ka bërë hapa pas në lojë, ndërsa Teuta është ekipi që ka bindur, nisur edhe nga stoli që Martini ka në dispozicion.
"Ekipet që janë më mirë janë ato që kanë bërë aktivitet në Kupat e Europës. Duhet të presim të paktën 5-6 javë që të kolaudohen. Nuk më pëlqeu Tirana në lojë, bëri një hap pas nga java e shkuar. Më shumë më pëlqeu Teuta, pjesën e parë luajti me personalitet, e qetë, mund ta kishte goditur Vllazninë pjesën e parë, ka shumë potencial në Durrës sepse ka edhe stol të mirë, ndryshe nga ekipet e tjera që nuk kanë", tha Shkëlqim Muça.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
