Me fitimin e UEFA Champions League, mesfushori Ilkay Gundogan po vlerëson ofertat për sezonin e ardhshëm, me pikëpyetjet për të ardhmen e tij që vazhdojnë, pas interesimeve në Spanjë dhe Itali.
Kontrata e 32 vjecarit është pranë skadencës, me skuadrën e Manchester City-t që vazhdon të ngulmojë për ta patur gjermanin në skuadër dhe për vitin tjetër. Megjithatë, Barcelona mbetet një pistë e mundshme e lojtarit, i cili në itnervistën e fundit duket se i ka shkelur syrin katalanasve për zërat që e lidhin atë me një kalim në Camp Nou.
“Nuk kam vendosur akoma, jam duke shqyrtuar të gjitha ofertat. Barcelona? Është një qytet i bukur”, tha Gungodan në konferencën për shtyp, ndërsa shton gjithnjë e më tepër spekulimet për të ardhmen e tij.
Në anën tjetër, ai përjashtoi mundësinë e një rikthimi në Gjermani, duke u arsyetuar që nuk është në planet e tij për të vazhduar karrierën në Borussia Dortmund, ku sipas tij ka patur një kontakt me drejtuesit verdhezi.
Lexo gjithashtu
