Pep Guardiola fitoi Champions League me Manchester Cityn duke mposhtur Interin në finale dhe, në prag të debutimit të tyre sezonal në kompeticion, trajneri i City u rikthye në ndeshjen në Stamboll duke lavdëruar kundërshtarin e tij. Për Guardiolën, Interi i Inzaghit nuk është për t'u nënvlerësuar sërish këtë sezon.
"Shikoni çfarë bëri Interi në Derbi fitoi 5-1 kundër Milanit. Gjithmonë e kam ditur se do të përballemi me një ekip shumë të fortë. Nerazzurrët janë kandidatë për t'u rikthyer në finale. Unë e kam ditur gjithmonë që Interi është shumë i fortë dhe e kanë dëshmuar në finalen kundër nesh, duke na dhënë shumë telashe.
Fitorja jonë ishte me një goditje, monedha ra në favorin tonë. Kam ndjesinë se Interi është një nga kandidatët për t'u rikthyer në finalen e Champions League. Ata ishin shumë konkurrues në Stamboll".
Lexo gjithashtu
