Antonio Griezman duket se ka rilindur me fanelën e Atletico Madrid këtë sezon. Sulmuesi francez ka bërë entuziast çdo tifoz në “Metropolitano”. Në 33 ndeshje të luajtura ka arritur të shënojë 12 gola dhe ka dhuruar 13 asiste, duke u kthyer në lojtarin e momentit.
Pas një dopiete të shënuar mbrëmjen e djeshme në fitoren 5 me 1 ndaj Cadiz, francezi foli për mediat nga ku tha se dëshiron të shkruajë historin me klubin nga Madridi, si dhe shton shpresat te tifozët për titullin kampion të La Liga, sezonin e ardhshëm.
“Isha pak i zemëruar që nuk mora çmimin e “lojtarit më të mirë” në muajin prill. Po argëtohem shumë, shënuam pesë gola dhe bëmë një ndeshje të mirë. Rekordi i golave të klubit? Do të doja të më kujtonin për shumë vite, është një arritje për mua.Nëse do të kishim reaguar më herët, ndoshta do të luftonim për titullin, por duhet të shijojmë të tashmen dhe të vazhdojmë të punojmë siç po bëjmë, për ta nisur sërish vitin e ardhshëm nga e para”, deklaroi sulmuesi i “Los Colchoneros”.
Lexo gjithashtu
