Mirlind Daku bëri një paraqitje fantastike me Rubin Kazan në ndeshjen e fundit që fituan përballë Akron Togliatti. Sfida e vlefshme për kampionatin rus, përfundoi 3-0 në favor të Rubin.
Ishte pikërisht Mirlind Daku ai që shënoi dy golat e parë për të tijët. Edhe pse me Kombëtaren ishte disi në hije, Daku u rikthye në superformë në Rusi, duke shënuar dopietë.
Pikërisht për këto dy gola të shënuar, për sulmuesin e Kombëtares shqiptare ka reaguar dhe reperi i njohur shqiptar, Unikkatil. Daku kishte postuar në Instagram një video të golave të tij shoqëruar me një nga këngët e Unikkatil.
Ky i fundit nuk ka ngurruar duke e ripostuar në “Story”. Gjithashtu, reperi shkruan: “Bravo kampion!”, duke uruar kështu Dakun për formën e mirë që po kalon.
Kujtojmë që Unikkatil është reper mjaft i njohur në Kosovë dhe Shqipëri, por që jeton në Shtetet e Bashkuara të Amerikës.
Lexo gjithashtu
