Skuadra e femrave të Vllaznisë ka fituar sot me rezultatin e thellë 20-0 me skuadrën tjetër nga Shkodra, The Door. Kampionet në fuqi të Shqipërisë kryesojnë kampionatin me 5 pikë ndaj kundërshtarit më të afërt, Apolonisë, dhe shkojnë të qetë drejt titullit kampion për të 4-ën herë radhazi. Plot 19 gola janë shënuar vetëm nga 2 futbolliste të Vllaznisë, Uendi Nduja ka shënuar 12 gola ndërsa Megi Doçi ka përshëndetur 7 herë rrjetën kundërshtare. Ajo që bie në sy është mbrojtja e cila në këtë kampionat nuk ka pësuar asnjë gol por në anën tjetër sulmi i ka shënuar plot 92 gola ekipeve kundërshtare.
Synimi i presidencës shkodrane mesa duket është Champions League, ku dëshirojnë të japin një figurë dinjitoze të futbollit të femrave në Shqipëri pasi brenda vendit nuk kanë kundërshtarë të denjë.
Lexo gjithashtu
