Anglia ka vendosur që te fusë një rregull të ri në futbolli. Rastet e turpshme të simulimeve do të fillojnë të reduktohen me futjen në fuqi të këtij rregulli.
Këtë e konfirmon Federata Angleze e Futbollit dhe pritet që ligji të hyjë në fuqi që sezonin e ardhshëm.
Sipas rregullit të ri, të gjithë lojtarët që do të shpallen fajtorë për jashtë zone do të ndëshkohen me një ndeshje pezullim.
Ndërsa pritet të jetë më e ashëpr për ata që simulojnë në zonën e rreptësisë, të cilët do të ndëshkohen me dy ndeshje pezullim. Sipas rregullave të vendosura, paneli i cili do të gjykojë këtë situatë më anë të pamjeve filmike dhe fotove gjatë ndeshjes, do të përbëhët nga nje ish-gjyqtarë futbolli, ish-trajnerë dhe ish-futbollistë.
Si do të funksionojë? Vendimi i marrë nga Federata Angleze ka përcaktuar se cilat raste do të kalojnë në sitë, pasi jo të gjitha rastet mund të jenë objekt mbikëqyrje nga paneli i lartëpërmendur. Në sitë do të kalojnë vetëm rastet, nëpërmjet të cilave është fituar një penallti e padrejtë, në rast se simulimi kalon në nxjerrje të kartonit të kuq të lojtarit kundërshtar apo nxjerrja e dytë e kartonit të verdhë. Në njoftimin e saj federata angleze ka bërë me dije se vendimi ka ardhur pas një konsultimi të gjatë me të gjithë aktorët e futbollit ishullor.
Lexo gjithashtu
