Sopoti do vendoset përballë skuadrës së Turbinës në ndeshjen e dytë të fazës së tretë të Kategorisë së Parë.
Sfida e Grupit B pritet të ketë emocione dhe grintë mes dy skuadrave që pretendojnë të qëndrojnë në Kategorinë e Parë.
Por, pikërisht duke u nisur nga ky fakt, por edhe nga fakti tjetër që Sopoti në javët e fundit është ankuar për gjykim tendencioz në dëm të tij, klubi librazhdas ka kërkuar nga FSHF që në ndeshjen e radhës ndaj Turbinës, gjyqtari të jetë shqiptar, por vetëm me stemën e FIFA-s, ose të vendoset një arbitër maltez, duke qenë se FSHF ka lidhur një bashkëpunim të ngushtë me Federatën e Futbollit të Maltës për shkëmbim gjyqtarësh në sfida të caktuara.
"Duke parë rëndësinë e ndeshjes ndaj Turbinës, tensionin që ky takim mund të ketë për vetë pozitat respektive të dy skuadrave në tabelën e klasifikimit, klubi ka dërguar një kërkesë zyrtare pranë FSHF-së ku është kërkuar që arbitri i këtij takimi të jetë me stemën e FIFA-s ose maltez.
Shpresojmë në një ndeshje "fair-play", me gjykim korrekt dhe një garë sportive brenda limitive nga të dyja skuadrat", shkruhet në deklaratën për shtyp të klubit të Sopotit, publikuar në faqen zyratre në Facebook.
Lexo gjithashtu
