Trajneri Ernest Gjoka ka folur pas humbjes me Kairat Almatyn. Tekniku i verilindorëve u shpreh për mikrofonin e Supersport:
“Duhet të ishim më cinikë, kishim raste. Këto lloj ndeshjesh të rritin dhe na ndihmojnë të ecim para pasi janë ndaj rivalëve shumë të fortë. Më vjen që nuk shënuam, pasi edhe psikologjikisht do ishim disi ndryshe.
Blerjet do jenë të studiuara pasi e kemi boshtin. Ky është formacioni i Kukësit, ky është Kukësi. Presim që të përshtatet edhe Elton Kale, ndërsa Rrumbullaku shihet qartë që duket sikur ka kohë me ne.
Na duhen këto ndeshje për të testuar veten, për të vrarë frikën me kundërhstarë të fortë. Kur luan mirë në këtë ndeshje, tregon që skuadar ka rritje psikologjike dhe një marsh tjetër, që na shërben për kampionatin.
Testi me Bakunë do jetë përfundimtari, ku titullarët që do jenë me Vllazninë, do të luajnë më gjatë”, përfundoi Gjoka.
Lexo gjithashtu
