Ish-futbollisti i kombëtares hollandezë, Hedviges Maduro, ka paralajmëruar ekipin e Ajaksit që të bëjë shumë kujdes kur të përballet në turin e tretë kualifikes të Champions League me ekipin grek të PAOK. Maduro aktualisht aktivizohet me Groningen në Hollandë, por e njeh mirë PAOK-un pasi ka qënë vetë pjesë e këtij ekipi.
“PAOK është një skuadër që mund të luajë shumë kompakte në mbrojtje. Pastaj ata kanë lojtarë shumë të shpejtë përpara. Ajaksi mund të ketë shumë talent në përbërje, por edhe PAOK ka futbollistë të vlefshëm që luajnë me pasion. Robert Mak është një lojtar i mirë, ashtu si Athanasiadis. Por mbi të gjithë janë Pelkas dhe Kaçe, talente të reja të cilët kanë një teknikë të mirë”, ka thënë Maduro.
Ergys Kaçe duket se do të vazhdojë të luajë te PAOK edhe këtë sezon, edhe pse u fol që mund të transferohej në ekip tjetër.
