Grupimi i tifozëve "Plisat" kanë reaguar ashpër pas lajmit për Turneu në nder të Fadil Vokrrit, ku të merrte pjesë dhe ekipi serb i Partizan Beogradit. Lajmi u hap pas një deklarate të drejtorit sportiv të Klubit të Futbollit Flamurtari në Kosovë, Arbnor Morina, I cili foli për Turneu duke hedhur idenë që të ftohen ekipe si Fenerbahce, Partizan Beograd apo Nimes nga Franca.
Pas këtij lajmi tifo-grupi "Plisat" ka reagur duke sjell ndër mend luftën mes Serbisë dhe Kosovës në vitin 1999, ku shumë gra, vajza, fëmijë dhe burra mbeten të vrarë. Ndër të tjera tifo-grupi apelonë që ky turne të zhvillohet me klube shqiptare, si Tirana, Shkodra, Korça, Tetova, Shkupi, Dibra etj.
Postimi I plotë:
Drejtori sportiv i KF Flamurtarit, sot ka ftuar klubin serb FK Partizan që në kuadër të turneut për nder të Fadil Vokrrit, klubi serb të merr pjesë në turneun i cili do të mbahet pikërisht në stadionin "Fadil Vokrri".
Drejtori në fjalë duke harruar luftën e vitit '99-të, duke harruar djemtë dhe vajzat që u fliuan për këtë vend, duke harruar veteranët, invalidët, të pagjeturit dhe të gjitha që Serbia bëri ndaj nesh, sot pas 20 vite të (mos) zbardhjës së krimeve të kryera, drejtori propozon ftesë abnormale dhe pa pikë turpi.
Në vend se të plotësoni nostalgjinë tuaj ndaj jugosllavisë, ne apelojmë tek organizatorët që në këtë turne të ftoni klube shqiptare nga Tirana, Shkodra, Korça,Tetova, Shkupi Dibra, Malësia etj. Përveçse do të bashkoni pjesë të ndryshme të Shqiperisë në Prishtinë, ju gjithashtu do të promovoni klubet Shqiptare dhe gjithashtu do të rrisni numrin e shikuesve në stadion, gjë që viteve të fundit mungon.
Pa dashur ta zgjasim më shumë, Plisat i bëjnë me dije të gjithëve që për derisa të jemi ne gjallë nuk do të lejojmë që turne të tilla të zhvillohen në Prishtinë! Ne asnjeherë nuk do ta harrojmë sakrificën e atyre që u fliuan për lirinë tonë. Madje, ky popull nuk ka ndryshuar, ju kujtojmë rastin e fundit kur kombëtarja jonë luajti në Beograd.
Mos shëroni komplekse të inferioritetit duke e tejkaluar krenarinë kombëtare. Nuk tregoheni më të emancipuar nëse përulni vetën para Sërbisë, e sidomos klube që promovojnë racizëm kundër shqiptarëve, siç është Fk Partizani.
Ju lusim që të mos e provoni durimin tonë!
Gjitha të mirat!
Plisat
Lexo gjithashtu
