Kombëtarja shqiptare do të ribashkohet sërish këtë fundjavë në grumbullimin për ndeshjet e 17 dhe 20 nëntorit. Shqipëria sfidon Moldavinë në transfertë dhe pret Ishujt Faroe në ‘Air Albania’, por vëmendja më e madhe sigurisht është në ndeshjen e parë në Tirasspol.
Vetëm 1 pikë na duhet për të siguruar matematikisht kualifikimi në Euro 2024 dhe ndaj Moldavisë, djemtë kuqezi do të japin gjithçka për të marrë maksimumin. Përpara kësaj ndeshje, FSHF risjell në memorie sifdën e fundit mes dy ekipeve në Moldavi, atë të 14 tetorit 2019 për kualifikueset e Euro 2020.
Atë sfidë Kombëtarja kuqezi e fitoi me rezultatin e thellë 0-4 me golat e Sokol Cikalleshit, Keidi Bares, Lorenc Trashit dhe Rey Manajt. Një sinjal për kundërshtarët moldav 1 javë përpara përplasjes së rradhës.
Lexo gjithashtu
