Dy pilotët spanjollë të MotoGP, Marc Marquez dhe Dani Pedrosa do të kërkojnë të mbrojnë tashmë titullin e fituar vitin e kaluar.
Në garat që janë duke u zhvilluar në Xhakarta, pilotët tregojnë se e kanë kënaqësi që motorin e tyre të ri ta reklamojnë në Indonezi. Motorri i tyre i ri me disa ndryshime të rëndësishme duket se do të ndihmojë pilotët drejt titullit sërish edhe këtë vit. Kësaj here ata do të garojnë me një motorr Honda RC213V, shkruan "Motorsportweek", transmeton Newsport.al
"Është kënaqësi e madhe të jem sërish në Indonezi për të reklamuar motorin e ri. Xhakarta është shumë familjare për ne falë mbështetjes që na japin fansat tanë. Deri tani kemi kryer vetëm dy teste dimërore, që kanë shkuar përgjithësisht mirë.
Do të punojmë fort që në testet e Katarit me 1 deri 3 mars të marrim të gjitha informacionet e nevojshme për të qenë gati për sezonin e ri. Duam të luftojmë për fitore edhe në këtë sezon dhe të dhurojmë spektakël për të gjithë të apasionuarit e Moto GP," - deklaroi Marquez.
Lexo gjithashtu
