Florian Marku bokson më 25 gusht në stadiumin “Air Albania”, ndeshjen e veçantë kundër Miguel Parra Ramirez. Boksieri shqiptar që ka bërë krenar miliona shqiptar në botë, do tentojë titullin e dytë në karrierën e boksit, pikërisht WBC Silver Interim.
Marku publikoi dhe çmimet e biletave dje të cilat kanë filluar të shiten dhe variojnë nga 2 mijë deri në 19 mijë lekë të reja. Të shumtë kanë komentuar në postimin e Florian Marku duke u ankuar për çmimet që i konsiderojnë të larta.
I indinjuar boksieri shqiptar tregon se menaxhohet nga dikush dhe nuk i vendos ai çmimet apo merr paratë e grumbulluara. Më pas tregon gjithçka që i është dashur për ta sjellë këtë ndeshje në Tiranë. Më poshtë mund të lexoni komentin e plotë.
Mos te dukem gje organizatori Boxxer ose SkySports une? Une menaxhohem nga dikush. A mendon se une i vendos cmimet e biletave ose marr leket e biletave? Kam bere lufte per te ardhur kete vere ne Tiranë dhe ishte gati te prisheshe kontrata vetem e vetem per te ardhur e per tu ndeshur ne vendin tim! Me githe Zemer jam munduar sepse nuk kan dashur ta bejne nje organizim te tille ne Shqiperi. Jam munduar me Shpirt mbas 5 vitesh afersisht te rikthehem ne shtepi. Biletat fillojne nga 16 euro as ndeshjet e futbollit qe zhvillohen cdo jave nuk e kane ate cmim.
Te ishte per mua do doja te ndeshesha para 50.000 Shqiptarve pa bileta, falas cdo gje, per nje titull Boteror, por me gjeni dike qe e organizon dicka te tille edhe premtoj qe do ndeshem per ti bere te gjithe Shqiptaret krenar nese: Organizatoret , Stadiumi, Televizionet, Kengetaret, Ringu, Ndeshjet e tjera, Arbitrat, organizata ËBC qe un do ndeshem, nuk duan pagesë un jam i pari qe ndeshem edhe do futem ne Ring pa asnje lloj pagese vetem e vetem per ti bere krenare te gjithe Shqiptaret kudo qe jane neper Botë sic kam ber kaq vite jashte vendit tim. Por te flasesh mbas nje kompjuteri edhe te qahesh per 16 euro per nje ndeshje qe ska ndodhur kurr ne historin e Boksit Shqiptar ESHTE TURP”, shkruan Florian Marku.
Lexo gjithashtu
